Policia ka identifikuar dhe arrestuar personin e dyshuar si autorë të vjedhjes së një çante personale me 4500 euro disa ditë më parë.
Sipas policisë bëhet fjalë për Jani Kongjinin, 35 vjeç, banues në Himarë. Kongjini, gjashtë ditë më parë, në afërsi të fshatit Çukë, në një barë kafe, ka vjedhur një çantë personale e cila i përkiste një personi me inicialet K.I. gjatë arrestimit të tij policia sekuestroi edhe shumën prej 3900 Euro, 3 dollarë dhe 1500 lekë.
Materialet hetimore iu referuan Prokurorisë së Rrethit Gjyqësor Sarandë ndaj shtetasit të mësipërm për veprën penale ”Vjedhja”.
Njoftimi i plotë i policisë:
Policia kap autorin i cili disa ditë më parë i ka vjedhur një shtetasi një çantë personale me 4500 Euro !
Sekuestrohen në cilësinë e provës materiale një pjesë e shumës së vlerave monetare që shtetasi kishte vjedhur !
Specialistët e Seksionit për Krimet në Komisariatin e Policisë Sarandë, në vijim të punës për zbardhjen e vjedhjeve të ndryshme të ndodhura në qytetin e Sarandës si edhe për kapjen e ndalimin e shtetasve kryerës të këtyre veprave penale, ditën e djeshme kanë kapur shtetasin :
Jani Kongjini, 35 vjeç, banues në Himarë.
Shtetasi i mësipërm, më datë 24.11.2017, në afërsi të fshatit Çukë, pranë një pike karburnati, në bar kafe, ka vjedhur një çantë personale, në brëndësi të saj me sendet identifikuese personale si edhe me një sasi shume vlerash monetare prej 4500 Euro, të cilat i përkisinin shtetasit K.I., i cili kishte bërë edhe kallëzim për këtë fakt.
Policia i ka sekuestruar në cilësinë e provës materiale, shtetasit J.Kongjini, shumën e vlerave monetare, prej 3900 Euro, 3 dollarë dhe 1500 lekë.
Materialet hetimore iu referuan Prokurorisë së Rrethit Gjyqësor Sarandë ndaj shtetasit të mësipërm për veprën penale ”Vjedhja”, parashikuar nga neni 134 të Kodit Penal.
