EMRAT/ Alibeaj në vend të Bardhit, Këshilli Kombëtar i PD zgjedh nënkryetarët, sekretarët, kryesinë e strukturat e tjera

9 September, 2023 s.autor Politikë

Në të njëjtën sallë ku Gazment Bardhi u ul ballë për ballë me Berishën, Lulzim Basha i njoftoi shkarkimin edhe nga posti i fundit që kishte në PD atë të Sekretarit të Përgjithshëm, duke ia besuar këtë post Enkelejd Alibeajt.

Besnikët e mbetur, Lulzim Basha u kujdes t’i kënaqë të gjithë, duke lënë jashtë kupolës drejtuese kundërshtarët e rikthimit të tij në krye të PD.

3 deputetët Orjola Pampuri, Flutura Açka, Kreshnik Çollaku dhe ish kandidati për Tiranën Roland Bejko do të jenë 4 nënkryetarët e Partisë Demokratike. Në mesin e deputetëve nënkryetarë, kryedemokrati do të zgjedhë edhe emrin që do t’I delegojë kreun e grupit parlamentar.

Edhe kryesia u riformatua. Në mesin e 11 Sekretariateve, Basha shpërbleu ish rivalin e tij për kreun e PD Gjergji Hanin, si Sekretar për të përndjekurit politikë, ndërsa për herë të parë futi Sekretariatin për Gruan, post që do të mbahet nga Taulanta Jupi dhe atë për Rinisë, që do ta mbajë Blendi Sulaj.

15 anëtarët e tjerë, dolën përmes votës së anëtarëve të Këshillit Kombëtar.

Me një ekip të ri pas vetes, Lulzim Basha u kujdes që në fillim të thoshte se betejën, nuk po e bën për karrigen. Obsesionin e saj, thotë se ia ka lënë tjetërkujt, duke shigjetuar Sali Berishën.

Zgjedhjet e Kukësit, Basha u premton demokratëve të tij se do të jenë të fundit që PD nuk përballet në garë.

Ndryshimet në kupolën drejtuese, u kaluan në heshtje nga armiqtë e Bashës brenda partisë, të cilët tashmë shpresën e fundit për të fituar ndaj Lulzim Bashës kanë gjykatën e Tiranës.

SEKRETAR I PËRGJITHSHËM
Enkelejd Alibeaj

NËNKRYETARË
Flutura Açka
Kreshnik Çollaku
Orjola Pompuri
Roland Bejko

KRYETAR I KËSHILLIT KOMBËTAR
Xhemal Bushati
KRYETAR I KOMISIONIT ZGJEDHOR
Jemin Gjana
KRYETAR I BORDIT FINANCIAR
Ilir Dervishi

Taulant Zeneli- Sekretar Ekzekutiv për Organizimin
Endri Hasa- Sekretar Ekzekutiv për Burimet Njerëzore dhe Koordinimin dixhital
Indrit Sefa- Sekretar Ekzekutiv për Çështjet Ligjore dhe Zgjedhore
Arbër Agalliu- Sekretar për Programin
Xhemal Gjunkshi- Sekretar për Sigurinë Kombëtare dhe Koordinimin Euro-atlantik
Gjergj Hani- Sekretar për të Përndjekurit Politikë
Rezart Kthupi- Sekretar për Reformën Zgjedhore
Taulanda Jupi– Sekretare për Gruan
Blendi Sulaj-Sekretar për Rininë
Edvin Kulluri- Sekretar për Marrëdheniet me Publikun
Alfrida Marku- Sekretar për Pushtetin Vendor dhe Decentralizimin
Gentian Gaba- Sekretar i Marrëdhënieve me Jashtë