Ish-deputeti i PD Ervin Salianji thotë se qytetarët korçarë sot kanë pritur me padurim Lulzim Bashën dhe kanë vërshuar rrugëve për t’i shprehur kreut të demokratëve hallet e tyre.
“Kurrë më parë nuk e kisha parë situatën si sot në Korçë. Padurimi për tu takuar me kryetarin e opozitës Lulzim Basha dhe vërshimi i qytetarëve në çdo rrugicë dhe çdo hap që hidhej, për të shprehur dhe ngritur zërin për shqetesimet e tyre, për pamundësinë për të siguruar jetesën e përditshme”, shkruan ndër të tjera Salianji, ndërsa thekson se pavarësisht se halli nuk i ngjante hallit, qytetarët bashkoheshin te nevoja për ndryshim.
“Nuk i ngante halli hallit, por bashkoheshin të gjithë tek nevoja pêr ndryshim, tek përbuzja ndaj përfaqësuesve të qeverisë. Qeveri që ka kaluar nga braktisja e qytetareve ne zhvatjen e qytetarëve. Varfëria e tejskajshme nuk ju ul dot kurrizin shqiptarëve, ndryshimi po vjen, qytetarët janë në ballê të ndryshimit”, përmbyll ai.
Padurim për ndryshim! Kurrë më parë nuk e kisha parë situatën si sot në Korçë. Padurimi për tu takuar me kryetarin e…
Gepostet von Ervin Salianji am Sonntag, 5. Juli 2020
