Komisioneri i KE për çështjet e emigracionit, Dimtris Avramopulos pritet që ditën e sotme të jetë në Tiranë, ku do të ketë disa takime me zyrtarë të lartë të vendit tonë.
Lajmin e kanë bërë me dije mediat italiane, ku mësohet se ai do të takohet me kryeministrin Edi Ramën, Ministrin e Jashtëm Ditmir Bushatin dhe atë të Brendshmin, Fatmir Xhafaj.
Në qendër të diskutimeve do të jetë bashkëpunimi në fushën e migrimit, të sigurisë dhe të kontrollit të kufijve.
Ardhja e tij në Tiranë ishte parashikuar për ditën djeshme, por u shty për sot për arsye që ende nuk janë bërë publike.
“Lajmi i publikuar nga mediat e huaja”
