Emergjencat Civile kanë reaguar gjatë gjithë ditës së sotme, duke paralajmëruar qytetarët e rrezikuar nga reshjet e dendura të shiut edhe me mesazhe paralajmëruese.
Një mesazh paralajmërues ka ardhur në redaksinë tonë të AlpeNews.al në minutat e fundit.
Paralelisht me njoftimet ne mediat, Shtabi i Emergjencave Civile prane Kryeministrisë po përdor edhe mesazhet telefonike për të paralajmëruar qytetarët mbi situatën e reshjeve. Mesditën e sotme, të shumtë kanë qenë ata qytetarë që kanë marrë një mesazh nga Kryeministria, ku merrnin këshilla për situatën dhe se ku duhet të drejtohen në raste problematike.
“Mesazh i Emergjencave Civile për kujdes të shtuar gjatë situatës se reshjeve. Evitoni levizjet në zonat e prekura nga reshjet, afër lumenjëve si dhe kalimet në ura. Banorët pranë shtretërve të lumenjëve apo në zona që rrezikojnë përmbytje të jenë në gatishmëri në rast të nevojës për evakuim. Telefono 112 për çdo nevojë”, thuhet në mesazhin e dërguar për qytetarët. /alpenews.al