Kryetarja e LSI-së, Monika Kryemadhi e pyetur në Faxnews se në cilin qytet do të kandidojë si deputete në 25 prill, tha se është herët të flasësh, megjithatë ka dhënë disa detaje.
Kryemadhi tha se mendon të kandidojë në Elbasan dhe Fier, por meqënëse me Kodin e ri Zgjedhor është vendosur që kryetari i partisë të kandidojë në 4 qarqe, atëherë do të ketë dhe 2 mundësi të tjera që mbeten për t’u parë.
“Është shpejt për të folur për listën e deputeteve të LSI-së. Po bëjmë zgjedhjen e delegatëve për Konventën e partisë me datën 5 dhjetor. Monika Kryemadhi përballet me këdo që i del para. Nuk ka të bëjë me interesin tim personal, por ka të bëjë me parimet. Nuk e kam problem fare. Akoma nuk e kam vendosur ku do të kandidoj për deputete, por kam dy ide Elbasan dhe Fier. Meqë me Kodin e ri e kanë vendosur kryetarin e partisë të kandidojë në katër qarqe do të shikojmë”,- tha Kryemadhi.
