Shpërthimet e ekzemës të 26-vjeçares Amy Tuck ishin aq të këqija sa u detyrua të merrte disa ditë pushim nga puna.
Që prej fëmijërisë, ajo ka vazhdimisht kruarje por ditët e fundit pati një shpërthim që nuk e lejonte as të bënte dush e as të vishej.
“Në fëmijëri, ekzema ishte më e përhapur tek krahët dhe këmbët, kështu që ishte tepër e thjeshtë për ta mbuluar. Fizikisht ishte kruajtëse dhe e parehatshme, por nuk më prekte shumë gjendjen psikologjike. Mami dhe babi më ndihmuan shumë me aplikimin e kremrave duke mbajtur një rutinë të rreptë që lëkura ime të mos acarohej”, tregoi Amy.
Por në vitin 2017 ndryshoi gjithcka dhe kremrat nuk mund ta kontrollonin. Ajo tha se ekzema e “mundi” pasi i preku fytyrën, qafën, gjoksin, kurrizin dhe gjymtyrët.
Dhimbja që pati e detyroi që të mos shkonte në punë për disa ditë e as të kryente detyra të thjeshta shtëpie, gjë që i shkaktoi probleme në shëndetin mendor. Më pas, ajo bëri një kurs anti-depresiv për tu qetësuar.
Në nëntor të vitit 2017, ajo iu referua një dermatologu që zbuloi se nivelet e imunoglobulinës ishin të larta dhe Amy bëri disa seanca kimioterapie për të trajtuar ekzemën e saj.
Që kur mori ilacin, Amy pa një përmirësim në lëkurën e saj dhe ka rifituar jetën e saj shoqërore, përfshirë takimet me të dashurin e saj.
