Prokuroria italiane e Busto Arsizio-s kërkon burgim përjetë për 5 të pandehurit e akuzuar për vrasjen e kushërinjve Agron e Alban Lleshaj në Canegrate (Milano, Itali), rreth një vit e gjysmë më parë.
Sipas mediave italiane: Edmond, Elidon, Pjetër Llesha, Eduard Nikolli e Fation Stojani janë pas hekurave. Ata akuzohen për ekzekutimin me armë zjarri të kushërinjve Lleshaj natën mes 9 e 10 dhjetorit 2016.
Kërkesa e organit të akuzës u bë në seancën e djeshme. Sipas hetimeve, atentati është kryer për çështje droge: Dy kushërinjtë e ekzekutuar dhe të akuzuarit ishin pjesë e grupeve rivale në shitjen e drogës.
Më 10 nëntor 2016, rreth mesnatës, ndaj makinës me të cilën lëviznin dy kushërinjtë u qëllua një breshëri plumbash. Pasagjeri vdiq në vend ndërsa shoferi arriti të ngiste makinën për disa qindra metra para se të bënte një aksident. Më pas, ndërroi jetë edhe ai.
Dënimi pritet të jepet muajin e ardhëm, raportojnë mediat italiane, që shohin shtatorin si destinacionin kohor më të mundshëm.
