Gjykata e Posaçme kundër Korrupsionit ka lënë në burg Viktor Markun të arrestuar për vrasjen e Hekuran Billës në Tiranë.
Prokuroria ka paraqitur në seancë dokumentat e autoriteteve të Malit të Zi, sipas të cilave shoqërimi i Markut është bërë me kërkesë të Interpol Tiranës.
Një ditë më parë, avokati i Markut, deklaroi për mediat se ndaj klientit të tij nuk kishte pasur urdhër ndalimi.
Para togave të zeza ai u shpreh se kishte qenë në Mal të Zi kur kishte ndodhur ngjarja, ndërsa në sistemin TIMS rezultonte se kishte dalë nga vendi që prej muajit janar të këtij viti.
