Familja e Konstandinos Kacifas, minoritarit grek që u vra nga RENEA merr avokat të ri.
Burime për “Report Tv” bëjnë me dije se avokati Kostas Giovanopoulos ka braktisur çështjen e Kacifës, ndërsa ende nuk dihen shkaqet e largimit të tij.
Avokati Giovanopoulos pa dje nga afër për pak minuta trupin e viktimës.
Çështjen e minoritarit grek e ka marrë përsipër avokatja Loreta Boti, e cila zyrën e avokatisë e ka në Janinë.
Kujtojmë se 35-vjeçari u vra gjatë shkëmbimit të zjarrit me forcat RENEA, pasi po përpiqeshin ta arrestonin.
Kaçifa hapi zjarr mëngjesin e së dielës gjatë festës së ceremonisë së varrimit të ushtarëve grekë të rënë në luftë në fshatin Bularat të Gjirokastrës.
