Një sasi e dyshuar eksplozivi është gjetur poshtë makinës së administratorit të Vllaznisë Suad Lici. Gazetari Senad Nikshiqi raporton për ‘BalkanWeb’se sasia e dyshuar si tritol fatmirësisht nuk ka shpërthyer. Aktualisht forca të shumta policie ndodhen tek mjeti, i cili është i parkuar ne afërsi të banesës së Suad Licit, pranë stadiumit “Loro Boriçi”.
Edhe me parë trajnerë apo drejtues të Vllaznisë janë kërcënuar me armë në fushat stervitore si rasti i ish-trajnerit Agim Canaj, Armando Cungu dhe të tjerë. Ngjarja në fjalë ndodh pak orë para ndeshjes që Vllaznia ka sot me Teutën e Durrësit. Gazetari Senad Nikshiqi raporton se Lici nuk ndodhet në vendin e ngjarjes, pasi është nisur drejt qytetit bregdetar, pasi skuadra e tij ka ndeshjen e radhës.
