Lajmi për refuzimin e vizës amerikane Kryetarit të Bashkisë së Durrësit Vangjush Dako, rikthen në vëmendje, refuzimin që u është bërë më parë edhe shumë gjyqtarëve, prokurorëve dhe politikanëve të tjerë shqiptarë, ndër vite.
Në radhën e gjykatësve dhe prokurorëve të shtetit shqiptar rikujtojmë se viza amerikane u është refuzuar për shkak të shkeljeve të ndryshme, duke filluar nga korrupsioni apo mosdeklarimi i pasurive, e deri tek shkelje të natyrave të tjera. Kësaj liste iu janë shtuar edhe politikanë. Kujtojmë rastin e Gramoz Ruçit të cilit iu refuzua edhe atij viza por ai e sqaroi shpejt këtë situatë pas një takimi me Ambasadoren e SHBA të asaj periudhe, duke udhëtuar normalisht pak më pas, drejt SHBA.
Më poshtë lista e disa prej zyrtarëve kryesorë Shqiptarë të cilëve u është refuzuar viza amerikane:
Gramoz Ruci, Kryetar I Kuvendit.
Vangjush Dako, Kryetar I Bashkisë Durrës.
Ylli Manjani , ish ministër Drejtësie.
Adriatik Llalla, Kryeprokuror
Arta Musaraj, zv. Ministre e Mbrojtjes
Vitore Tusha, gjyqtare
Besnik Imeraj, gjyqtar
Gani Dizdari, gjyqtar
Mirela Fana , gjyqtare
Artan Broci, gjyqtar
Rovena Gashi, prokurore
Dritan Gina, prokuror
Artan Lazaj, gjyqtar
Saimir Bahiti, prokuror
Elfrida Agolli, audituese në Këshillin e Lartë të Drejtësisë
Petrit Fusha, prokuror
Përgatit: Alpenews.al
