Disa ditë më parë, lajmi se mantuja mund të jete arsyeja se përse në Shqipëri nuk ka shumë të prekur nga koronavirusi bëri xhiron e rrjetit.
Thuhet se mbi 1,000 mjekë, infermierë e punonjës të shërbimit shëndetësor në Hollandë, SHBA e Australi po marrin vaksinën BCG si provë për të parë nëse i mbron gjatë punës në luftë me infeksionin e ri që po tmerron botën.
Dihet se Shqipëria e ka ruajtur vaksinimin universal kundër turbekulozit, të paktën si është trashëguar si praktikë që ka filluar nga koha e Shqipërisë komuniste.
Regjimi i Enver Hoxhës nisi ta aplikojë atë tek e gjithë popullsia si masë imunitare dhe mbrojtëse nga sëmundja që më parë ka bërë kërdinë mbi popullsinë. Për rrjedhojë disa breza janë vaksinuar, në një masë që sot përbën pjesën kryesore të popullsisë.
Në një prenoncim ekskluziv për AlpeNews.al, mjeku infeksionist Pëllumb Piperon flet mbi “mantunë” dhe spekullimet nëse ka ndikuar ose jo në rastin e Shqipërisë.
E plotë:
A është e vërtetë se bërja në masë e mantusë mund të jetë një nga arsyet se përse Shqipëria nuk është shumë e prekur nga Covid-19?
E kemi konkluduar këtë që në krye te herës, si një faktor që mund të ndikonte pozitivisht në mosprekjen në masë të poplsisë së vendit tonë nga covid-19. Madje, më parë se të dilte si lajm në botë se “mantuja” ndikonte pozitivisht. Por ishte fillimi fare, ishin ditët e para e më pas lajmet mbuluan njëra tjetrën.
Është fakt që atje ku eshte aplikuar BCG incidenca dhe prevalenca e Covid 19 është më e ulet! I ngelet studimeve të mëvonshme të bëjnë lidhjen dhe spjegimin, por faktet janë kokë forta, njëlloj si Cloroquine!
Mesa duket qeliza e mushkërise krijon një lloj mbrojtjeje që duhet studjuar!
Sa përqind e shqiptarëve e kanë dhe deri kur është bërë në Shqipëri?
Nuk di ta them deri kur është bërë, mendoj se vazhdon të behet. Fakti që ka prekur të gjitha moshat edhe tek ne, që praktikisht e kanë bërë e zbeh këtë konstatim, por gjithsesi i ngelet kohës ta vertetojmë, përfundon Pipero.
AlpeNews.al
