Ndonëse gjendja alarmante ka përfshirë të gjithë zonat jugore të vendit, pas reshjeve të dendura të shiut kryeqyteti i ka dalë mbanë rrezikut më të madh. Pas ditës së djeshme ku intensiteti i reshjeve në mbrëmje u rregjistrua të ishtë më i larti, menjëherë sot drejtoritë dhe ndërmarrjet e Bashkisë Tiranë kanë dalë në terren për të bërë punën e tyre.
Siç mund të shikoni edhe nga fotot e siguruara nga AlpeNews.al asnjë prej rrugëve kryesore të Tiranës nuk ka pësuar dëmtim, ose përmbytje nga reshjet e dy ditëve të fundit. Ndërkohë edhe Lumi i Lanës është në gjendje normale edhe pse ka pasur shumë prurje nga zonat periferike, nga ku dhe ky lum vjen.
Emergjencat Civile dhe Bashkia Tiranë kanë vendosur në dispozicion disa numra ku mund të kontaktoni për çdo problem që qytetarët kanë./ Përgatiti: AlpeNews.al
