Ka mbërritur në Gjermani, ish Kryeministri i Kosovës e njëherësh lideri i LDK, Isa Mustafa. Ai është transferuar me urgjencë nga mjekët në Prishtinë, për kurim sa më të specializuar drejt një spitali në qytetin e Shtutgartit. Lajmi konfirmohet për “Alpenews.al” nga burime të sigurta nga aeroporti Ndërkombëtar i Prishtinës “Adem Jashari”.
Harta, nr i fluturimit dhe itinerari i sotëm e avionit të z. Mustafa
Sipas këtyre burimeve avioni me të cilin ka udhëtuar z. Mustafa, është ngritur nga pista në orën 10.30 dhe ka marë drejtimin drejt Gjermanisë, për tu ulur më pas në aeroportin ndërkombëtar të qytetit të Shtutgartit. Z. Mustafa ka qenë i shoqëruar nga një numër i vogël familjarësh shumë të afërt dhe mjekësh të spitalit Amerikan në Prishtinë, për të patur nën kontroll gjendjen e tij shëndetësore.
Lajmi për shëndetin e ish Kryeministrit të Kosovës u dhanë dje nga pothuajse të gjitha mediat shiptare, të cilat saktësonin se komplikimi i rëndë ka ardhur papritur nga shkaqe që pritet të ekzaminohen saktësisht nga mjekët gjermanë që e kanë tashmë nën kujdesin e tyre z. Mustafa. Fillimisht u tha se bëhej fjalë për një komplikacion të ardhur nga kapja me vonesë e simtomave të një gripi agresiv, por më pas burimet nga Prishtina, nuk dhanë një diagnozë përfundimtare dhe të qartë.
Gjtihësesi, bashkëpunëtorët e afërt të z. Mustafa janë shprehur optimist për gjendjen e tij shëndetësore duke deklaruar se sëshpejti ai do të rikthehet në krye të punëve politike, por jo vetëm, në Prishtinë.
Përgatit: Alpenews.al
