Kryeministri Edi Rama është pjesë e panelit të të ftuarve në emisionin “Opinion” këtë mbrëmje.
Ajo që ka tërhequr vëmendjen është prezenca e Ramës si panelist krah deputetit demokrat Agron Shehaj, biznesmenit Saimir Mane dhe pastorit Akil Pano.
Por përveç prezencës të pazakontë të Ramës, si një i ftuar i thjeshtë në emision, ajo çka e bën të veçantë emisionin e sotëm, është trajtimi i disa historive tepër të trishta të familjeve shqiptare të kapluara nga mjerimi dhe varfëria ekstreme.
Blendi Fevziu ka vendosur tashmë që një herë në javë të ndihmojë përmes emisionit të tij familjet në nevojë, por pritet me kuriozitet se çfarë do të thotë Rama për këto raste dhe qindra-mijëra të tjera që rëndojnë mbi familjet shqiptare.
