Matthew Palmer e gjen Tiranën fillim javën e ardhshme, në mes të një krize politike.
Por a do të arrijë zëvendësndihmëssekretari amerikan, atë që realizoi në 2017-n paraardhësi i tij Hoyt Bryan Yee?
Mazhoranca nuk mendon se do të ketë surpriza.
“Ndërkombëtarët kanë qenë shumë të qartë deri tani. Në të gjitha deklaratat si nga Brukseli, po ashtu edhe nga Uashingtoni, por edhe nga Berlini, është bërë shumë e qartë, që Parlamenti dhe mazhoranca janë legjitime, të dala nga një palë zgjedhje të certifikuara ndërkombëtarisht.
Në krahun tjetër edhe qeveria është legjitime, në raport me ato zgjedhje që janë kryer në vitin 2017-të.
Thënë këtë, unë mendoj se këto dy elementë të rëndësishëm janë të padiskutueshëm, të panegociueshëm”, shprehet zv.kryeministri Erjon Braçe, për A2 CNN.
Por si i përgjigjet zëvendëskryeministri për zërat kritikë brenda partisë?
“Kolegëve të mi, shokëve të mi, u përgjigjem ose me dialogoj, këmbej mendime, vetëm në forumet e Partisë Socialiste”.
