COVID-i ka marrë një tjetër jetë nga radhët e artistëve. Sot, Kristi Baba, piktor ka ndërruar jetë, pasi humbi betejën me virusin e pamëshirshëm.
Baba një zë i ri i pikturës moderne shqiptare. Ai deklaronte se piktura nuk mbetet thjesht pikturë kur pasqyrohen ndjesitë në të, ajo kthehet automatikisht në një qenie plot jetë dhe është e aftë të komunikoj me ty, e pavarësisht se shpesh herë i duhet edhe të hesht, ajo arrin të marri frymë ashtu e përgjumur në qetësinë e vet si një krijesë përballe teje.
Kristi Baba ka marrë pjesë edhe në disa ekspozita kolektive si: në galerinë FAB në Universitetin e Arteve “ATELIE 2011”; në Muzeun Historik Kombëtar me një cikël të plote punimesh; po në galerinë FAB në ekspozitën “Të gjithë mbi një qiell” ndërsa më përpara ka hapur po një ekspozitë personale me një koleksion punimesh grafike dhe piktura në teknikën vaj dhe pen.