Agjenti i Gianluigi Buffon ka dhënë sugjerimin më të madh, se portieri veteran do të shkojë te PSG në sezonin e ardhshëm. Legjenda e Juventusit dhe Italisë njoftoi më parë, këtë muaj, se po largohet nga Juventusi me titullin e shtatë radhazi në Seria A.
Ai pritej që të tërhiqej nga futbolli, por në vend të kësaj e mbajti derën e hapur për një lëvizje tjetër në moshën 40-vjeçare, edhe pse konfirmoi se nuk do të shkonte në një skuadër tjetër në atdheun e tij.
Ndërkohë, PSG i ka ofruar atij kushte për dy sezonet e ardhshme dhe agjenti Silvano Martina ka konfirmuar se është një lëvizje, që do të ishte me interes. “Ne do të ishim të lumtur, nëse Gigi do të vinte në Paris, sezonin e ardhshëm. Edhe ai vetë do të ishte i lumtur te PSG, – tha përfaqësuesi i tifozëve të Parisit.
Treguesit në Itali sugjerojnë se një marrëveshje është thuajse e bërë. “Unë shpresoj se do të bëjë mirë te PSG, – tha Lapo Elkann, trashëgimtar i familjes “Agnelli”, për “Gazzetta dello Sport”. – Është një zgjedhje, që unë respektoj. Shpresoj që të takohemi përsëri në finalen e Ligës së Kampionëve”.