Paraditja e së shtunës ka shënuar disa aksidente, në disa nga akse të vendit. Në Rinas-Kashar, mëngjesin e sotëm u përplasën 4 makina, duke lënë të plagosur 6 persona, një prej të cilëve, një 23-vjeçare, ndodhet në gjendje të rëndë. Shkak ka qenë shpejtësia, ku njëri mjet është ndarë më dysh.
Tragjike rezultoi aksidenti në Kavajë, ku një 12 vjeçare vdiq në Spitalin e Durrësit si pasojë e plagëve të marra.
Aksidenti në Elbasan
Një automjet tip “Man –Kamion”, drejtuar nga një 60 vjeçar në Elbasan është përplasur me një automjet tip “Volswagen” , me drejtues 30 vjeçarin B.S, banues në Elbasan.
Si pasojë e përplasjes, ka mbetur i plagosur drejtuesi i mjetit të vogël, i cili ka përfunduar në spitalin rajonal të Elbasanit jashtë rrezikut për jetën.
12 vjeçarja humb jetën në Elbasan
Një 12 vjeçare humbi jetën pasi u përplas nga një makinë që drejtohej nga një grua.
Aksidenti u shënua rreth orës 11:30 minuta (23 qershor 2018) tek mbikalimi në Kavajë.
Mjeti me targë AA396HJ, me drejtuese shtetasen M. J., ka aksidentuar fëmijën e mitur SH. T.,12 vjeçe, e cila ndërroi jetë në Spitalin Rajonal Durrës.
Drejtuesja e mjetit, shtetasia M. J., është shoqëruar në ambientet e Komisariatit të Policisë Kavajë për veprime të mëtejshme hetimore dhe proceduriale.
Mallakstër, kamioni përplas automjetin tjetër
Një kamion është përplasur me një makinë në Mallakstër.
Nga aksidenti kanë mbetur të plagosur pasagjeret e mjetit tip “Volkswagen”, F.D, 55 vjeçe, E.D, 54 vjeçe dhe shtetasi A.D, 60 vjeç, banues në Mallakastër.
Të plagosurit ndodhen në spital jashtë rrezikut për jetën.
Aksidenti ka ndodhur në aksin rrugor Ballsh-Fratar, në vendin e quajtur “Greshicë”.
Urim Koliqi, 45 vjeç, banues në Durrës, duke drejtuar me kamionin u përplas me Volkswagen, me drejtues shtetasin Sh.P, 49 vjeç.
Policia ka ndaluar drejtuesin e kamionit Urim Koliqi.
Aksident i rëndë në Rinas, përpalsen 6 automjete
Një aksident i rëndë ka ndodhur mëngjesin e sotëm në rrugën e Rinasit.
3 automjete janë përfshirë në aksident, mes tyre një makinë e tipit “Ford”, një automjet tip “Golf” dhe një furgon tip “Benz”.
Sipas informacioneve zyrtare, 6 persona kanë mbetur të plagosur dhe janë transportuar për në spitalin e Traumës në Tiranë, aktualisht jashtë rrezikut për jetën.
Sipas dëshmitarëve për redaksinë tonë, dy makina janë ndarë më dysh.
Raportimet: 2 makina jane ndare ne dysh, isha ne momentin qe u be aksidenti kam pa tmerr 15 minuta nuk kishte ambulance u vonua shume, shikojini si jane shtrire…”
AlpeNews.al
