Një vajzë vetëm 8 vjeçe vdiq nga plakja e parakohshme.
Ngjarja ka ndodhur në Ukrainë, ku mjekët thonë se mosha biologjike e Anna Sakidon ishte afër 80 vjeç kur ajo vdiq pavarësisht se lindi vetëm tetë vjet më parë.
Sëmundja e rrallë gjenetike nga e cila vdiq quhet sindroma “Progeria Hutchinson-Gilford”.
Kjo gjendje bëri që eshtrat e saj të rriteshin shumë ngadalë, duke ndikuar në lëvizjen e duarve dhe këmbëve, dhe organet e saj po plakeshin shpejt.
Vogëlushja kishte pësuar shumë probleme shëndetësore dhe kur vdiq peshonte vetëm 17 kg.
Nëna e saj e re, Ivana, tha se ishte e gatshme të sakrifikojë gjithçka për ta parë vajzën e saj të shëndetshme.
