Trupi i pajetë i një personi është gjetur mbrëmjen e sotme në autostradën Tiranë-Durrës.
Sipas të dhënave paraprake, viktima është shtetasi me inicialet I.D 58 vjeç, i cili punonte si punonjës i policisë private. Shkaqet e vdekjes se këtij shtetasi nuk dihen ende, por në trupin e tij nuk janë konstatuar shenja dhune.
Viktima është gjetur i shtrirë në krah të autostrdës, pa shenja jete.
Tiranë/Informacion paraprak
Më datë 19.06.2020, rreth orës 20:41, në autostradën Tiranë – Durrës , në trotuar pranë një subjekti private ku ka qënë me sherbim është gjetur i shtrire pa shenja jetë shtetasi I.D., 58 vjeç, punonjës i një kompanie Security.
Grupi hetimor ndodhet në vendngjarje dhe vijon punën për zbardhjen e rrethanave të ngjarjes.
Nga kqyrja paraprake nuk janë konstatuar shenja dhune dhe paraprakisht dyshohet se vdekja ka ardhur nga shkaqe natyrale.
