Një 34-vjeçar është plagosur me armë zjarri në orët e para të mëngjesit të sotëm. Me një njoftim për mediat, Policia bën me dije se ngjarja ndodhi në orën 00:30 në lagjen nr.5, pas një konflikti të çastit ku u përfshinë personi i plagosur, me inicialet Sh.Sh, dhe një 34-vjeçar tjetër me inicialet E.S..
Ky i fundit qëlloi me armë 34-vjeçarin Sh.Sh., i cili mori një plagë në këmbë.
Ai është dërguar ne spital, ku ndodhet jashtë rrezikut për jetën, ndërsa është shpallur në kërkim autori. Grupi hetimor, në bashkëpunim me Prokurorinë, po punon për sqarimin e rrethanave të ngjarjes.
Rreth orës 00:30, në lagjen nr.5, Kavajë, pas një konflikti për motive të dobëta shtetasi E. S., 34 vjeç, dyshohet se ka qëlluar me armë zjarri në këmbë shtetasin Sh. Sh., 34 vjeç, i cili ndodhet në spital, jashtë rrezikut për jetën.
Vijon kontrolli i zonës nga shërbimet e Komisariatit të Policisë Kavajë, për kapjen e shtetasit E. S./’, njofton policia.
