Një 38-vjeçar është paraqitur në orët e para të mëngjesit të së dielës në spitalin e Sarandës me plagë në qafë.
Sipas burimeve të Panorama.al i plagosuri i identifikuar si Erlind Dumani, dyshohet se është goditur me thikë ose kaçavidë.
Dyshohet se ngjarja ka ndodhur në lagjen nr. 3 pranë vendit të quajtur “Plazhi i Ri”. I plagosuri është jashtë rrezikut për jetën.
Pasi ka marrë mjekimin e nevojshëm ai është larguar nga spitali. Policia ka nisur hetimet në lidhje me ngjarjen, ndërsa ende nuk dihen rrethanat e saj.
