Një punonjës i Gardës së Republikës është vetëvrarë me armën e shërbimit. 47-vjeçari Gentian Lelçaj u gjet i pajetë në orët e para të së enjtes në automjetin e tij që e kishte parkuar në garazh pranë banesës në rrugën “Mihal Grameno”.
Shkak thuhet se është bërë gjendja e rënduar psikologjike e 47-vjeçarit, e ardhur si pasojë e procesit të divorcit me bashkëshorten e tij.
Lelçaj mësohet se ka lënë pas një djalë të mitur.
“Më datë 05.06.2025, rreth orës 02:00, në rrugën “Mihal Grameno”, është konstatuar pa shenja jete, në automjetin e tij të parkuar brenda garazhdit të banesës së tij, dyshohet i vetëvrarë me armën e shërbimit, shtetasi G. L., 47 vjeç, punonjës i Gardës së Republikës”, njoftoi policia.
Grupi hetimor vijon punën për sqarimin e plotë të rrethanave të rastit
