Një ngjarje e rëndë është regjistruar në rrugën “Myslym Shyri”, Tiranë.Një 52-vjeçar ka ndërruar jetë teksa po merrej me një rregullim në një shtëpi.
Sipas njoftimit të bluve bëhet me dije se 52-vjeçari teksa po çmontonte bolierin e ujit i ka rënë në kokë duke i shkaktuar edhe vdekjen.
“Më datë 24.05.2025, në rrugën “Myslym Shyri” duke punuar në banesën e shtetasit F. H.,për çmontimin dhe heqjen e bolierit të ujit, gjatë punës bolieri është shkëputur duke i shkaktuar dëmtime në kokë shtetasit B. H., 52 vjeç, dhe për pasojë ka ndërruar jetë në spital. Nga specialistët e Komisariatit Nr. 2 janë kryer veprimet e para hetimore dhe materialet i kaluan Prokurorisë, për vlerësimin e mëtejshëm të rastit”, informoi sot policia.
Materialet procedurale iu referuan Prokurorisë së Tiranës, për veprime të mëtejshme.
