Një aksident me pasojë vdekjen ka ndodhur mbrëmjen e sotme në Kune të Shëngjinit. Ka qenë një automjet i cili ka dalë nga rruga dhe ka përfunduar në një kanal.
Sipas burimeve nga policia e Lezhës, ereth orës 21:06 është marrë njoftim se në Shëngjin, në vendin e quajtur Ura e Merrxhanit, mjeti tip Golf 4 me targa AA 995 BV ka dalë nga rruga ku për pasojë ka humbur jetën drejtuesi i mjetit shtetasi E.Rr. 35 vjeç, banues në Ishull Shëngjin.
Grupi hetimor në bashkëpunim me Prokurorinë e Rrethit Gjyqësor Lezhë po kryejnë veprimet për zbardhjen e plotë të shkaqeve të aksidentit.