Një aksident ka ndodhur pasditen e sotme në Korçë, ku për pasojë ka mbetur i plagosur rëndë një 60-vjeçar.
60-vjeçari, identiteti i të cilit nuk bëhet i ditur, është transportuar për në Tiranë, për ndihmë më të specializuar.
Ndërkohë, policia po punon për identifikimin dhe kapjen e autorit, si dhe për sqarimin e rrethanave të ngjarjes.
Njoftimi i plotë i policisë:
Më datë 14.06.2019, në rrugën Korçë-Boboshticë, një mjet tip “Benz” ka përplasur një shtetas rreth 60 vjeç, këmbësor në rrugë (ende i paidentifikuar) dhe ka braktisur mjetin duke u larguar nga vendngjarja.
I aksidentuari, pasi ka marrë ndihmën në Spitalin e Korçës, u transportua në Tiranë për mjekim më të specializuar, pasi ndodhet në gjendje të rëndë shëndetësore.
Grupi hetimor po punon për identifikimin dhe kapjen e autorit, si dhe për sqarimin e rrethanave të ngjarjes.
