Një 52-vjeçare e prekur nga Covid-19 është vetë hedhur nga kati i tretë i Spitalit në Kavala, Greqi duke i dhënë kështu fund jetës.
Mediat greke bënë me dije se 52-vjeçarja ishte e shtuar në spitalin e Kavalës prej disa ditësh, ndërsa në orët e vona të mbrëmjes së djeshme ka ndërmarrë dhe aktin e rëndë.
Mësohet se gruaja në fjalë kishte tentuar edhe më parë të vrasë veten duke u hedhur në det, por është shpëtuar në kohë nga policia. Në policia ajo kishte thënë se kishte tentuar të vrasë veten pasi ka mësuar se është testuar pozitive me Covid.
Ngjarje të tilla të rënda kanë ndodhur edhe në vendin tonë, ku katër persona i kanë dhënë fund jetës duke u hedhur nga spitali, 3 te ‘Shefqet Ndroqi’, ndërsa një tek Infektivi.
Në datën 10 nëntor u hodh nga kati i tretë i Infektivit Reshat Grendi, 69-vjeç, në datën 1 nëntor i dha fund jetës Preng Gjonaj 52 vjeç, në datën 2 shtator, Hasan Mira, 65 vjeç, ndërsa në datën 13 gusht, 29-vjeçari Xhino Koça i dha fund jetës po në të njëjtën mënyrë.
