Një aksident i rëndë raportohet të ketë ndodhur në Gramsh.
Ngjarja ndodhi pasditen e djeshme në fshatin Bregas, ku një ‘Fuoristradë’ me targa SK 145 BA drejtuar nga Riza Pëllumbi, ka devijuar nga rruga dhe është rrokullisur në anë të saj.
Sakaq, burime bëjnë të ditur se si pasojë e përplasjes mjeti ka pësuar dëmtime dhe ka bllokuar brenda tij shoferin.
Ndonëse banorët e zonës janë munduar të japin ndihëm e shpejtë ka qenë e pamundur për të shpëtuar shoferin. Më pas kanë ardhur në ndihmë shërbimet zjarrfikëse që bënë të mundur nxjerrjen e drejtuesit nga mjeti, i cili më pas u transportua në spital për të marrë ndihmë mjekësore.
