Ngjarje e rëndë në Librazhd. Një i ri i ka dhënë fund jetës duke u vetëqëlluar me çifte.
Ngjarja ka ndodhur në fshatin Letëm. L.Sh 25 vjeç me banim në këtë fshat u gjet nga familjarët i vrarë me çifte në banesën e tij. Me gjithë përpjekjet e bëra për ta shpëtuar, ka qenë e pamundur për ta mbajtur në jetë për shkak të plagëve të shumta të marra nga saçmet dhe hemorragjisë.
Për ngjarjen është njoftuar policia e Librazhdit e cila bashkë me grupin hetimor ka shkuar në fshatin Letëm ku ka kryer veprimet përkatëse.
Nga të dhënat e para rezulton se i riu ishte duke kaluar momente depresioni dhe në këto kushte ka ndërmarrë edhe vendimin fatal.
Megjithatë po punohet për zbardhjen e plotë të rrethanave të kësaj ngjarjeje.
