Një vajzë e moshës 18-vjeçare është djegur dhe ka marrë plagë të rënda në trup, pasi e hodhën në një tenxhere me ujë të valuar, gjatë një feste karnavalesh në Gjermani.
Adoleshentja u dogj keq në këmbë dhe në pjesën e kaviljes, pas ngjarjes në Eppingen, Baden Württemberg, javën e shkuar.
Policia po kërkon për dy persona të veshur si shtriga, magjistare, me kostume të përshtatura me festën.
Tenxherja e madhe me ujë është vendosur në mes të sheshit të qytetit dhe vajza as vet nuk mund ta mbante mend se si përfundoi duke u djegur.
Ajo kujton se ishin dy persona që e morën dhe duke bërë shaka, e hodhën brenda.