Kryeministri Edi Rama në mbledhjen e fundit të qeverisë deklaroi se Lëvizja Socialiste për Integrim, partia me të cilin bëri koalicion në mandatin e parë qeverisës i kishin kthyer target në tesera partie dhe patentat në fleta votmi.
Rama shtoi se sot Shqipëria sot ofron një nga shërbimet më të digjitalizuar në rajon për drejtuesit e automjeteve.
“Shërbimi i transportit rrugor, një kancer shumëvjeçar, të trashëguar bashkë me ish-partnerët e koalicionit të mandatit të parë, janë kthyer në një shembull më kuptimplotë dhe inkurajues të transformimit të shërbimeve publike të Shqipërisë.
E paimagjinueshme kjo deri kur u ndamë katër vjet më parë nga ata partnerë, që i kishin kthyer targat në tesera partie dhe patentat në fletë votimi për partinë. Sot Shqipëria ofron një nga shërbimet më të digjitalizuar në rajon për drejtuesit e automjeteve”, tha Rama.
