Me daljen në pension, aktori i madh i humorit Muharrem Hoxha i njohur si “Rrema” i dha fund karrierës humoristike dhe prej vitesh nuk është parë më në ekran. Megjithatë pas shumë kohësh ai është rikthyer dhe sot është i ftuar tek “Xing me Ermalin”.
I pyetur nga moderatori Ermal Mamaqi se si është jeta e tij tani, pasi nuk është parë shumë aktiv as në televizione, Muharrem Hoxha la të kuptohet se vazhdon një jetë normale e me humor tha se nuk ka as rrjete sociale ku njerëzit ta ndjekin.
“S’kam Facebook unë. Për të qenë në Durrës jam. Por kur s’ke Facebook nuk ke kontakt me njerëzit”, u shpreh Rrema duke shtuar se që nga sot do jetë më aktiv në televizione.
Ndër të tjera ai rrëfeu se edhe pasi është bërë i famshëm ka punuar si shofer furgoni.
Hoxha tregoi edhe një histori nga koha kur ishte shofer.
“Në 1997 kam patur furgon dhe në atë kohë na thirrën për ditëlindjen e Luftar Pajës në Fier. Dhe u nisëm me furgon, duke ecur shohim një gomë para nesh, më kishte dalë mua goma. Njëri aty po bënte urinën në rrugë dhe desh u përplas me gomën që i shkonte nga pas”, tha Hoxha.
