Nuk e dimë nëse është thjesht një trillim apo një trend për të përçmuar meshkujt, por gratë që thonë se kanë bërë dashuri me fantazmat dalin në media me identitetin e tyre dhe në media prestigjioze. Pas historisë së vajzës e cila tregoi para dy ditësh për Metro se kishte marrë me qira një shtëpi të vjetër dhe çdo natë bën dashuri me një fantazmë, djalin me portretin e tij në kuzhinë, që ka jetuar në atë shtëpi para 100 vitesh, tani një tjetër grua ka rrëfyer se ka bërë dashuri me 20 fantazma. Gruaja nga Bristoli, Ametist Realm pretendon se ka kryer marrëdhënie me 20 fantazma të ndryshme në 12 vitet e fundit dhe se ata janë shumë më të mirë se meshkujt që ka takuar në përditshmëri.
27-vjeçarja u shfaq në një episod të këtij mëngjesi, ku diskutoi për përvojat e saj. Realm, e cila është një këshilluese shpirtërore thotë se e gjitha filloi kur ajo dhe i fejuari i saj u transferuan në një shtëpi të re ku ajo vuri re se kishte prani shpirtrash, fantazmash. Duke folur në një emison me Phillip Schofield dhe Holly Willoughby, Realm tha: “Filloi si energji, pastaj u bë fizike. Ndjeja prekje dhe presion mbi këmbët e mia, në gojë dhe në qafë. Unë gjithmonë ndihesha e sigurt kur më vinte fantazma… Kam pasur marrëdhënie seksuale me fantazmat. Jo vetëm kaq, por ajo thotë se këtë e ka bërë me fantazma të ndryshme për tre vjet me radhë, deri sa një ditë, i dashuri i saj e kapi gjatë aktit, por sigurisht ai nuk e shihte dot burrin…
Është sugjeruar që këto lloj përvojash mund të jenë rezultat i paralizës së gjumit ose halucinacioneve. Një ndër skeptikët është edhe ndjekësja dhe studiuesja e fantazmave Alexandra Hozler e cila tha për Huffington Post: Gratë thonë se kryejnë marrëdhënie me fantazmat se ndihen mirë dhe se ata janë të ngrohtë. Por kjo s’mund të jetë e vërtetë sepse fantazmat ftohin ambientin dhe janë shumë më të ftohtë vetë…
