45-vjeçari Spartak Dyrmishi u arrestua ditën e sotme nga autoritetet, nën akuzën për përdhunim dhe ngacmim seksual në Greqi.
Pas gjithë të dhënave të publikuara për Dyrmishin, bujë bëri dhe deklarata e nënës së tij, e cila e akuzoi atë për dhunë fizike, e po ashtu e cilësoi si përdorues droge dhe alkooli.
I ftuar në emisionin “Shqipëria LIVE” në Top Channel, avokati Edmond Patraj deklaroi se nëna mund ta ketë mbajtur këtë qëndrim për t’u vetëmbrojtur nga diskriminimi i grupimeve ekstremiste greke, të cilët janë kundër shqiptarëve.
“E ka bërë në mënyrë që mos i turren ekstremistët grekë. Është qëndrim i saktë, por ajo nuk kishte nga ta dinte që ai përdhunon. Policia greke është shumë mirë e trajnuar dhe ka arritur ta skedojë. Ky ka qenë person i skeduar, kjo kuptohet nga fakti që iu gjetën shumë shpejt shenjat e gishtave, edhe pse nuk ka pasur precedent penal.”- deklaroi ai.
‘Ai ka vdekur për mua. Nuk mundem. E ndjej se ka vdekur. Unë nuk e dua atë. Unë jam 70 vjeç. Unë them do marr pension, po më merrte lekët. Ai pi cipuron, pi birra, policia erdhi këtu, gjeti një cigare hashash. Nuk e dua një fëmijë të tillë”, ishte dkelarata e nënës së 45-vjeçarit.