Një grua nga Kosova e infektuar me koronavirus, e cila është në muajin e shtatë të shtatzënisë, ndodhet në spital në gjendje të rëndë.
Lajmin e ka bërë me dije infektologu Salih Ahmeti, në një konferencë për mediat. Ajo ndodhet në kujdes intensiv dhe po merr trahtim të specializuar, ndërkohë që po lufton me vdekjen.
“Po dje kemi marrë një shtatzënë, 28 javë, është gjendje të rëndë është në kujdesin intensiv”, tha Ahmeti, duke shtuar se “janë në konsultime me mjekët e lëmisë, si gjinekolog, neonatolog, anesteziolog etj”.
“Ne do të veprojmë duke i shfrytëzuar protokollet dhe përvojat më të mira të vendeve tjera. Dhe pa diskutim, mendimi i konsiliumit…”, tha ai.
Sipas tij, pacientja në Klinikën Infektive ka shkuar e intubuar me probleme në mushkëri, raporton Telegrafi.
