Një zjarr ka rënë në Velipojë në zonën e Pulajve. Zjarri është ndezur pranë një zone ku hidhen mbeturina. Flakët janë favorizuar nga era dhe janë shpërndarë në shkurre dhe bimë aty pranë. Për të shuar flakët në vendngjarje ka shkuar një zjarrfikëse e stacionit të Velipojës dhe dy të tjera janë nisur nga Shkodra. Në ndihmë të tyre është edhe ndërmarrja e Ujësjellësit të Shkodrës. Deri më tani s’raportohet për dëme materiale. Nga fotot që vijnë nga zona, duket se zjarri ka rënë në një hapësirë fushore.
