Të shtëna me armë zjarri janë regjistruar pasditen e sotme në qytetin e Bulqizës, në orën 18.00.
Sipas informacioneve paraprake, në vendngjarje janë gjetur 5 gëzhoja dhe fatmirëisht nuk ka persona të plagosur. Në shënjestër të të shtënave ka qenë një biznesmen i njohur në zonë, i cili është qëlluar teksa ka qenë në lëvizje me makinë. Identiteti i tij nuk bëhet ende me dije.
Policia dhe grupi i hetimit sapo kanë marrë njoftim kanë shkuar në vendin ku u regjistruan të shtënat dhe paraprakisht dyshohet se ngjarja ka lidhje me një gjobëvënie.
