Një 52-vjeçar grek është ndaluar në pikën kufitare të Kapshticës pasditen e sotme, pasi iu gjetën 12.445 euro të padeklaruara.
Policia bën me dije se 52-vjeçari grek, banues në Gjermani, po largohej nga territori ynë me një furgon, ndërsa pas kontrollit në vijën e dytë iu gjet shuma e parave, një pjesë prej të cilave të futura në një çantë dhe pjesa tjetër të fshehura poshtë sediljes së pasagjerit.
Ndaj 52-vjeçarit kanë nisur hetimet, ndërsa materialet i kaluan Prokurorisë pranë Gjykatës së Shkallës së Parë Korçë, për veprat penale “Mosdeklarimi në kufi i të hollave” dhe “Pastrimi i produkteve të veprës penale ose veprimtarisë kriminale”.
