Një 26-vjeçar ka mbetur i plagosur me thikë në kryeqytet, pas një sherri me 2 persona të tjerë, at e bir. Policia e Tiranës thotë se ngjarja ka ndodhur rreth orës 21:20 tek lulishtja në lagjen “Komuna e Parisit” për motive banale.
Tiranë
Informacion paraprak
Më datë 17.05.2018, rreth orës 21:20, në një lulishte në zonën e “Komunës të Parisit”, ka patur një konflikt për motive të dobëta midis shtetasve D. L., E. M., dhe E. M., ku për pasojë shetasi D. L rreth 26 vjeç është goditur me mjet prerës (në bark) nga shtetasit E. M., dhe E. M., ( at dhe bir).
Shërbimet e policisë kanë shoqëruar shtetasit E. M., dhe E. M., ( at dhe bir), në ambientet e policisë për veprime të mëtejshme hetimore.
Shtetasi i dëmtuar ndodhet në spital nën kujdesin e mjekëve.
