Pasi i eshte konfirmuar masa e arrestit, Gjykata për Krimet e Rënda ka caktuar datën 25 shkurt ora 10:00 si daten e mbajtjes se seancës se parë të gjykimit ndaj Kelment Balilit, i njohur edhe si “Eskobari i Ballkanit”.
Ne dosjen ne ngarkim te tij jane keto akuza: “trafik të narkotikeve”, “grup të strukturuar kriminal”, “mosdeklarim të pasurisë” dhe “pastrim parash”.
Emrat e gjyqtareve
Pak kohe me pare u zbardhen emrat e 3 gjyqtarëve të Krimeve të Rënda që do të gjykojnë në themel, dosjen ndaj Klement Balilit.
Në shortin e hedhur në Gjykatën e Krimeve të Rënda, u zgjodhën gjyqtarë të çështjes Liliana Baku, Ardit Mustafa dhe kryesuese, Flora Haradinaj.
Kujtomë që pas arrestimit ndaj Klement Balilit u vendos masë sigurie “arrest me burg”, po ashtu dhe avokatët tij në një seancë të dytë kanë bërë kërkesë për gjykim të shkurtuar.
AKUZAT
1. “Trafikimi i lëndëve narkotike”, i kryer në bashkëpunim në formën e grupit të strukturuar kriminal.
2. “Pjesëmarrje në grupin e strukturuar kriminal”.
3. “Refuzim për deklarimin, mosdeklarimin, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim”.
4. “Pastrimi i produkteve të veprës penale ose veprimtarisë kriminale”.
VETËDORËZIMI
Klement Balili u dorëzua te numri një i Policisë së Shtetit, Ardi Veliu, para një godine të vjetër që ndodhet mes Delvinës dhe Finiqit në mëngjesin e 15 janarit. Pikërisht në atë vend, Balili zbriti nga automjeti “Mercedez ML”, me të cilin kishte udhëtuar deri në pikën e takimit dhe hipi në makinën “Range Rover” të Ardi Veliut. Nga aty u nisën drejt Tiranës, duke bërë ndalesën e parë në Komisariatin më të ri të kryeqytetit, atë Nr.6, që u inaugurua para pak ditësh.
“Peshku i madh”, Klement Balili, është i arrestuari i parë VIP që hyri i shoqëruar në ambientet e rikonstruktuara të Komisariatit në Kombinat. E që aty, pas procedurave standarde u transportua drejt Drejtorisë së Policisë së Tiranës dhe qëndroi aty deri dje, kur edhe doli për herë të parë para Gjykatës së Krimeve të Rënda. Prej afro dy vitesh, Policia e Shtetit kishte realizuar disa operacione për arrestimin e Klement Balilit dhe të gjitha kishin dështuar. Mediat dinë vetëm disa nga këto operacione, si ato që realizoheshin në fshatrat e Delvinës, por edhe në Shkodër.
