Gjykata e Krujës ka dhënë masën e sigurisë “arrest me burg” për djalin e deputetit Rrahman Rraja, Rexhep Rraja.
Ky i fundit doli sot para gjykatës së Krujës për t’u njohur me masën e sigurisë pas akuzave për dhunë fizike ndaj ish-të dashurës së tij, Xhisiela Maloku.
Ai ka dale nga paraburgimi i shoqëruar nga efektivet, ndërkohe qe te dera e priste furgoni i policisë.
Rexhep Rraja u arrestua pak ditë më parë pas urdhrit të Gjykatës së Krujës e cila ka dhënë “Arrest me burg” në mungesë për të riun e akuzuar për “përndjekjen” e Xhiseila Malokut.
Ndonëse ndaj tij është ngritur vetëm akuza e “përndjekjes”, ekspertiza mjeko-ligjore tregoi se 25-vjecarja ishte dhunuar.
Dhunimi i vajzës u bë publik pak ditë më parë, kur oficeri i policisë Emiljano Nuhu dëshmoi për dhunën e ushtruar ndaj vajzës së re dhe akuzoi policinë për neglizhencë si dhe tregoi se ishte kërcënuar me armë në prani të deputetit Taulant Balla.
