Edin Dzeko ka publikuar një foto nga pushimet duke nxitur akoma edhe më shumë thashethemet për një kalim të bujshëm tek Interi.
Sulmuesi boshnjak ka zgjedhur të kalojë pushimet nën shoqërinë e internistit, Ivan Perisic. Dy futbollistët ndodhen në Dubrovnik të Kroacisë, para se të rikthehen në Itali për të nisur përgatitjet për sezonin e ri.
Orëve të fundit në mediat italiane është shkruar se zikaltërit mund të heqin dorë nga Dzeko për shkak të çmimit të lartë që i ka vendosur Roma, por boshnjaku duket se është i vendosur për kalimin te skuadra zikaltër.
Dzeko është i preferuari i Antonio Contes i cili po luan të gjitha kartat për të nënshkruar me sulmuesin e njohur.
Mediat italiane thonë se Perisic po përdoret si negociator për të arritur marrëveshjen mes dy palëve, ndërsa tifozët e Romës kanë shprehur kritika ndaj kësaj foto.