Daniele Bedini, vrasësi i dyshuar i Nevila Pjetrit dhe një transi në Itali ka tentuar për herë të dytë që të arratiset nga ambientet e paraburgimit. Por në të dyja herët dështoi me sukses.
Bedini tentoi që të largohej nga burgu Cerialdo, por u kap 30 minuta më pas. Ai u ndalua në një stacion dhe kishte hipur në një tren që shkonte drejt Fossano-s. Por gardianët e burgut e kuptuan menjëherë tentativën dhe e arrestuan. Tashmë ai ndodhet në siguri maksimale.
Arratisja ndodhi gjatë drekës. Njësoj si në burgun e La Spezia-s, i riu përdori aftësitë fizike për t’u larguar. Ai u ngjit në mur si në filma dhe më pas doli jashtë murit rrethues duke u kacavjerrë nga një shtyllë ndriçimi.
Ndërkohë më 16 Korrik, Bedini tentoi me anë të dy çarçafëve që të zbriste na muri i burgut. Por për shkak të peshës nuk mundi. Nëntë ditë më vonë ai u transportua në Cuneo.
Bedini akuzohet për vrasjen e prostitutës shqiptare, Nevila Pjetri. Ajo u gjet e vrarë të dielën në shtratin e lumit Parmignola në Marinella, në afërsi të Sarzana, e vrarë me dy plumba pistolete në kokë.
Pak më larg, disa orë më vonë u gjet edhe trupi i Camilla-s, transit që jetonte në Albiano Magra. Edhe për këtë të fundit dyshohet se autor është Bedini, madje hetuesit thonë se ka gjasa që të ketë një lidhje mes dy vrasjeve.
Daniele Bedini rezulton person me precedentë penalë për grabitje dhe disa vepra të tjera penale, vepra që duket se i kryente edhe për të siguruar kokainë. Dyshimet janë se ai e mori prostitutën shqiptare në makinë jo për shërbimin e saj, por për ta grabitur.
