Policia ka arrestuar ditën e sotme një 66-vjeçar nga Tirana.
Arrestimi nga ana e autoriteteve është kryer pasi dy qentë e tij të rracës “pitbull” kanë kafshuar duke i shkaktuar dëme të konsiderueshme në trup një 66-vjeçareje në kryeqytet.
Sipas informacionit zyrtar të policisë bëhet me dije se 66-vjeçari akuzohet për veprën penale “Braktisja e kafshës së shoqërimit”.
Ndërkohë mësohet se për fat të mirë, 66-vjeçarja e sulmuar nga qentë është jashtë rrezikut për jetën nën kujdesin e mjekëve
“Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasit B. F., 66 vjeç, banues në Tiranë, për veprën penale “Braktisja e kafshës së shoqërimit”, pasi ky shtetas ka braktisur dy qentë e tij (Pitbull), të cilët më pas kanë sulmuar shtetasen S. Gj., 66 vjeçe, e cila është dëmtuar dhe ndodhet në spital, nën kujdesin e mjekëve”, raporton policia./
