Maxhoranca dhe opozita po ecin gjithnjë e më shumë në kahe të ndryshme nga njëra tjetra. Përveç politikave që kështu supozohet të jenë, edhe çdo pikë tjetër tanimë është shndërruar në sfidë për opozitën që tenton të përballet me çdo ngjarje, lajme apo deklaratë me qeverinë.
Maxhoranca është e vendosur të hyjë e ti fitojë zgjedhjet e 30 qershorit, ndonëse opozita nuk pranon të marr pjesë në to.
Këta të fundit pas djegies së mandateve duket se dogjën edhe mundësinë e të qënit pjesë e procesit normal dhe democrat siç është ai i votimit duke zhgënjyer jo pak nga mbështetësit e tyre.
Ndërkohë që Partia Socialiste, e vetme në qeverisje vijon me planin dhe programin për fushatën elektorale të 30 qershorit, opozita bllokon rrugët me protesta që nisin me të qeshura dhe përfundojnë me dhunë dhe djegie gomash e makinash.
Kur kryeministri Rama dhe anëtar të kabinetit qeveritar marrin pjesë në Samitin e Berlinit, opozita përveçse e injoron si ngjarje, mundohet të bëj “mini samit” në vend duke takaur aleatët e partive të vogla me Presidentin Meta.
Këto motive jo vetëm që nuk i japin pikë opozitës, e cila ka një rënie të ndjeshme të elektoratit por duket se po favorozijnë gjithnjë e më shumë qeverinë Rama, atë që prej muajsh të bashkuarit e opozitës po tentojnë ta rrëzojnë.
Përgatiti: AlpeNews.al
