Dy persona kanë mbetur të plagosur rëndë si pasojë e një aksidenti që ka ndodhur në fshatin Këmishtaj, në afërsi të Divjakës. Newsbomb.al mëson se mjetet kanë qenë të dy me shpejtësi dhe për pasojë përplasja ka qenë e fortë.
“Benzat” kanë dalë nga rruga dhe kanë shkatërruar dhe shtyllat e linjës që furnizon me energji fshatin. Ngjarja ka ndodhur rreth 30 minuta më parë. Ambulanca ka transportuar me urgjencë dy të plagosurit, të cilët sipas dëshmitarëve janë në gjendje të rëndë.
Në fshatin Këmishtaj kanë shkuar dhe shërbimet e Policisë, për sqarimin e rrethanave të aksidentit.
