Një ngjarje e rëndë është regjistruar këtë të martë në zonën e Llamanit në Himarë. Katër shokë me njëri-tjetrin janë futur në det, me 2 mjete lundruese Jet Ski. Gjatë manovrave në det,dy të mitur të moshave 16 dhe 17 vjeç janë përplasur me jet ski me njëri-tjetrin ku për pasojë është dëmtuar rëndë i mituri me iniciale K.Xh., i moshës 16 vjeç i cili u transportua drejt Traumës në Tiranë në gjendje të rëndë.
Si pasojë e përplasjes u dëmtuar edhe 17-vjeçari por fatmirësisht ndodhet jashtë rrezikut për jetën.
Ndërkohë sipas burimeve për Report TV, i mituri 16-vjeçar ndodhet në gjendje të rëndë për jetën dhe ndodhet në intubim dhe ka fraktura shumë të rënda në kokë. Mësohet se i mituri nuk do të futet as në operacion për shkak të frakturave të rënda
