Shitjeve të makinave të Volkswagen me djegie të brendshme po u vjen fundi në Norvegji. Importuesi norvegjez i Volkswagen VW Moller Mobility Group ka konfirmuar planin për të përfunduar çdo porosi për automjetet me djegie të brendshme në vend deri në dhjetor të vitit 2023. Pas kësaj, marka do të shesë vetëm modelet e saj elektrike.
Makinat elektrike atje tashmë përbëjnë më shumë se 20% të të gjitha automjeteve dhe pothuajse 84% të automjeteve të reja të shitura. Duke numëruar hibridet plug-in, shifra rritet në 90, sipas Federatës Norvegjeze të Rrugëve. Qeveria norvegjeze planifikon gjithashtu të ndalojë të gjitha automjetet me djegie të brendshme nga viti 2025 e tutje.
Volkswagen është zotuar të prodhojë vetëm automjete elektrike nga viti 2033 për tregun evropian. Ndoshta kjo është arsyeja pse kjo markë, për të cilën mund të themi se është një nga më të njohurat në Kontinentin e Vjetër, ngadalë por me siguri po largohet prej tregut. Siç shkruan revista e specializuar Autocar, VW do të ndalojë prodhimin e modelit të saj të vogël, VW up. Pasi Skoda ndaloi së prodhuari Citigo dhe SEAT ndaloi prodhimin e Mii, një tjetër makine më të vogël po i vjen fundi.
